കായംകുളം: കൊറ്റുകുളങ്ങരയില്‍ കെ.എസ്.ആര്‍.ടി.സിയുടെ ചില്ല് തകര്‍ത്തു. ദേശീയപാതയില്‍ കോറ്റുകുളങ്ങര ജംഗ്ഷനു സമീപം ഇന്നലെ പുലര്‍ച്ചെ അഞ്ചിനായിരുന്നു സംഭവം .ആലപ്പുഴയില്‍ നിന്ന് തിരുവനന്തപുരത്തേക്ക് പോകുകയായിരുന്ന ഫാസ്റ്റ്പാസഞ്ചര്‍ ബസിന്റെ മുന്‍വശത്തെ ചില്ലാണ് ഇരുളില്‍ ഓളിഞ്ഞിരുന്ന് സാമൂഹ്യവിരുദ്ധര്‍ ഇരുമ്പ്കമ്പികൊണ്ട് എറിഞ്ഞുതകര്‍ത്തത്.
അപ്രതീക്ഷിതമായി ചില്ല് തകര്‍ന്നതോടെ ഡ്രൈവറും യാത്രക്കാരും പരിഭ്രാന്തരായി. വിവരം അിറയിച്ചതോടെ ഉടന്‍തന്നെ പോലീസില്‍ എത്തി തിരച്ചില്‍ നടത്തിയെങ്കിലും ആരെയും കണ്ടെത്താനായില്ല.യാത്രക്കാരെ പിന്നീട് മറ്റുബസുകളില്‍ കയറ്റിവിട്ട ശേഷം ബസ് ഗ്യാരേജിലേക്ക് കൊണ്ടുപോയി.പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.