തൊടുപുഴ: സംസ്ഥാന ഹജ്ജ് കമ്മിറ്റി മുഖേന ഇടുക്കി ജില്ലയില്‍ നിന്നും ഈ വര്‍ഷം ഹജ്ജിന് പോകുന്നവര്‍ക്കുള്ള ഒന്നാംഘട്ട സാങ്കേതിക പരിശീലന ക്ലാസ് കാരിക്കോട് നൈനാര്‍ പള്ളി ഓഡിറ്റോറിയത്തില്‍ നടന്നു.
സംസ്ഥാന ഹജ്ജ് കമ്മിറ്റി മെമ്പര്‍ എച്ച്. ഇ. മുഹമ്മദ് ബാബു സേട്ട് ഉദ്ഘാടനം ചെയ്തു. ഹജ്ജ് കമ്മിറ്റി മാസ്റ്റര്‍ ട്രെയ്‌നര്‍ പി.എ നിഷാദ് അധ്യക്ഷനായി. സംസ്ഥാന ഹജ്ജ് കോ ഓഡിനേറ്റര്‍ എന്‍.പി. ഷാജഹാന്‍ സാങ്കേതിക ക്ലാസിന് നേതൃത്വം നല്‍കി. ജില്ലാ ഹജ്ജ് ട്രെയ്‌നര്‍ വി.കെ.അബ്ദുല്‍ റസാഖ്, ട്രെയ്‌നര്‍മാരായ അബ്ദുറഹ്മാന്‍ പുഴക്കര, റസാഖ് മലയിഞ്ചി, ഷെയ്ഖ് മുഹമ്മദ്, കെ.എം. കാസിം, മുനിസിപ്പല്‍ കൗണ്‍സിലര്‍ കെ.എം.ഷാജഹാന്‍, സൈതുമുഹമ്മദ് മൗലവി സംസാരിച്ചു.