നെടുമ്പാശ്ശേരി: 11 കോടി രൂപയുടെ വിദേശ കറന്‍സി ദുബൈയിലേക്ക് കടത്താന്‍ ശ്രമിച്ചതിന്് പിടിയിലായ അഫ്ഗാനിസ്ഥാന്‍ പൗരനായ യൂസഫ് മുഹമ്മദ് സിദ്ദിഖിനെതിരേ (38)കോഫേപോസ ചുമത്തും.
ഡല്‍ഹി ആസ്ഥാനമായുള്ള കോഫേ പോസ ബോര്‍ഡിനാണ് കുറ്റം ചുമത്തുന്നതിനുള്ള അധികാരം. കൊച്ചിയിലെ കസ്റ്റംസ് വിഭാഗം ഇതിനുള്ള ശുപാര്‍ശ ബോര്‍ഡിന് അടുത്ത ദിവസം തന്നെ കൈമാറും.
കോഫേപോസ ചുമത്തിയാല്‍ പ്രതിയെ ഒരു വര്‍ഷം വരെ കരുതല്‍ തടങ്കലില്‍ പാര്‍പ്പിക്കാം.കഴിഞ്ഞ ആറ് മാസത്തിനിടെ ഇയാള്‍ 11 തവണ ഡല്‍ഹിയിലെത്തി മടങ്ങിയതായി അന്വേഷണത്തില്‍ വ്യക്തമായിട്ടുണ്ട്.
ഇതിന് പിന്നിലെല്ലാം വിദേശ കറന്‍സി കടത്താണ് ലക്ഷ്യമെന്നാണ് പ്രാഥമിക നിഗമനം. ഇയാള്‍ വഴി വന്‍ തോതില്‍ വിദേശ കറന്‍സി ഗള്‍ഫിലേക്ക് എത്തിയിട്ടുണ്ടെന്നാണ് കരുതുന്നത്.ഇതിന്റെ അടിസ്ഥാനത്തിലാണ് കോഫെപോസ ചുമത്തുന്നത്.