പരപ്പനങ്ങാടി: ഒട്ടുമ്മല്‍ സൗത്ത് കടപ്പുറത്ത് കടലില്‍ കരക്കടിഞ്ഞ അജ്ഞാത വസ്തു ജനങ്ങളെ പരിഭ്രാന്തരാക്കി.
ഇന്നലെ വൈകീട്ട് ആറു മണിയോടെയാണ് ഗ്യാസ് സിലിണ്ടര്‍ രൂപത്തിലുള്ള വസ്തു മത്സ്യത്തൊഴിലാളികളുടെ ശ്രദ്ധയില്‍പെട്ടത്. ഉടനെ പൊലിസില്‍ വിവരമറിയിച്ചു. പരപ്പനങ്ങാടി പൊലിസും ഫയര്‍ഫോഴ്‌സും സ്ഥലത്തെത്തിയെങ്കിലും ഇതിന്റെ ഉപയോഗത്തെക്കുറിച്ച് അറിയാന്‍ സാധിച്ചിട്ടില്ല.

ഇതേത്തുടര്‍ന്ന് പൊലിസ് കാവലില്‍ വസ്തു കഴിയില്‍ ഇറക്കി സൂക്ഷിച്ചിരിക്കുകയാണ്.
കോസ്റ്റല്‍ ഗാര്‍ഡ് വന്നു പരിശോധിച്ച ശേഷമേ അജ്ഞാത വസ്തു എന്താണെന്ന് മനസ്സിലാക്കാന്‍ സാധിക്കുകയുള്ളൂ. കഴിഞ്ഞ ദിവസം ഇവിടെ നിന്നു മത്സ്യബന്ധനത്തിന് പോയ വള്ളത്തിലെ തൊഴിലാളിക്ക് പുറം കടലില്‍ നിന്നു അമേരിക്കന്‍ നിര്‍മിത അജ്ഞാത വസ്തു ലഭിക്കുകയും പൊലിസില്‍ ഏല്‍പ്പിക്കുകയും ചെയ്തിരുന്നു.