മുള്ളേരിയ: തുളുനാട് കബഡി അക്കാദമിയുടെ നേതൃത്വത്തില്‍ മുള്ളേരിയ പൂവടുക്കയില്‍ നടക്കുന്ന അഖിലേന്ത്യാ എ ഗ്രേഡ് കബഡി ടൂര്‍ണമെന്റിന്റെ കലാശ പോരാട്ടങ്ങള്‍ക്കു തുടക്കമായി. ഇന്നലെ നടന്ന ആദ്യ സെമി ഫൈനല്‍ മത്സരത്തില്‍ ഒ.എന്‍.ജി.സി ഹരിയാനയും സെന്‍ട്രല്‍ റെയില്‍വേയും തമ്മില്‍ ഏറ്റുമുട്ടി. രണ്ടാം സെമിയില്‍ ഇന്ത്യന്‍ നേവി, ആര്‍മി നാസിക്കിനെ നേരിട്ടു.
മഹിന്ദ്ര ആന്റ് മഹിന്ദ്രയെ പരാജയപ്പെടുത്തിയാണ് സെന്‍ട്രല്‍ റെയില്‍വേ സെമിയില്‍ കടന്നത്. ഇന്ത്യന്‍ നേവി ആര്‍മി ഭോപ്പാലിനെ പരാജയപ്പെടുത്തിയും എയര്‍ ഇന്ത്യയെ പരാജയപ്പെടുത്തി ആര്‍മി നാസിക്കുമാണ് സെമി ഫൈനലിലെത്തിയത്.