റിയാദ്: ജിദ്ദയിൽ പനി ബാധിച്ചു മലപ്പുറം സ്വദേശി മരണപ്പെട്ടു. കൊളപ്പുറം ആസാദ് നഗർ തൊട്ടിയിൽ ഹസനാണ് മരിച്ചത്. പനിയെ തുടർന്ന് ഇന്നലെ ജിദ്ദയിലെ സ്വകാര്യ ആശുപത്രിയിൽ എത്തിച്ചെങ്കിലും സർക്കാർ ആശുപത്രിയിലേക്ക് മാറ്റിയിരുന്നു. ഹൃദയാഘാതമാണ് മരണ കാരണമെന്നാണ് പ്രാഥമിക റിപ്പോർട്ട്. കൊവിഡ്-19 സാഹചര്യം നിലനിൽക്കുന്നതിനാൽ വിശദ പരിശോധന അടക്കമുള്ള നടപടിക്രമങ്ങൾ പൂർത്തിയാക്കിയ ശേഷം മയ്യിത്ത് വിട്ടുനൽകുമെന്നാണറിയുന്നത്.