ചെങ്ങന്നൂര്‍: എന്‍ജിനീയറിംഗ് കോളേജില്‍ ഈ അദ്ധ്യയന വര്‍ഷത്തില്‍ ഒഴിവ് വന്നിട്ടുള്ള അസിസ്റ്റന്റ് പ്രൊഫസര്‍ ഇന്‍ മെക്കാനിക്കല്‍ എന്‍ജിനീയറിംഗ് തസ്തികയിലേക്ക് താല്‍ക്കാലിക നിയമനം നടത്തുന്നതിന് ഏഴിന് രാവിലെ 9.30 ന് ടെസ്റ്റും ഇന്‍ര്‍വ്യൂവും നടത്തി റാങ്ക് ലിസ്റ്റ് തയ്യാറാക്കുന്നു. മെക്കാനിക്കല്‍ എന്‍ജിനീയറിംഗില്‍ ലഭിച്ചിട്ടുള്ള ബി.ഇബി.ടെക് ബിരുദത്തോടൊപ്പം എം.ഇഎം.ടെക് ബിരുദവും ഇതില്‍ ഏതിലെങ്കിലും ഒന്നില്‍ ഒന്നാം ക്ലാസുമാണ് യോഗ്യത. താല്‍പ്പര്യമുള്ള ഉദ്യോഗാര്‍ത്ഥികള്‍ യോഗ്യതയും പ്രായവും തെളിയിക്കുന്ന അസല്‍ സര്‍ട്ടിഫിക്കറ്റുകളും അവയുടെ കോപ്പികളും സഹിതം പ്രിന്‍സിപ്പല്‍ മുമ്പാകെ നിശ്ചിത തീയതിയിലും സമയത്തും നേരിട്ട് ഹാജരാകണം.