കൊല്ലം : 'മഹല്ലുകള്‍ ഉമ്മത്തിന്റെ കരുത്ത് ' എന്ന പ്രമേയവുമായി ഈമാസം 26, 27 തീയതികളില്‍ തൃശൂര്‍ ദേശമംഗലത്ത് നടക്കുന്ന പ്രതിനിധി സംഗമത്തില്‍ ജില്ലയില്‍ നിന്ന് 250 പ്രതിനിധികളെ പങ്കെടുപ്പിക്കാന്‍ കൊപ്പം പൊലിസ് ക്ലബില്‍ ചേര്‍ന്ന എസ്.എം.എഫ് ജില്ലാ കൗണ്‍സില്‍ തീരുമാനിച്ചു.
മഹല്ലുകള്‍ തോറും പ്യാരന്റ് മീറ്റ്, സ്വദേശി ദറസ് എന്നിവ നടത്താനും തീരുമാനമായി. എസ്.എം.എഫ് ജില്ലാ ജില്ലാ പ്രസിഡന്റ് ടി.കെ ഇബ്രാഹിംകുട്ടി മുസ്‌ലിയാരുടെ അധ്യക്ഷതയില്‍ ചേര്‍ന്ന യോഗം സമസ്തകേരളാ ജംഇയ്യത്തുല്‍ ഉലമാ ജില്ലാ പ്രസിഡന്റ് സയ്യിദ് മുഹ്‌സിന്‍ കോയാ തങ്ങള്‍ ഉദ്ഘാടനം ചെയ്തു. ഷെരീഫ് ദാരിമി, അഹമ്മദ് ഉക്കയില്‍, ഷാജഹാന്‍ അമാനി, ജവാദ് ബാഖവി, മഹമൂദ് മുസ്‌ല്യാര്‍, അഞ്ചല്‍ സദറുദ്ദീന്‍, ദമീം മുട്ടക്കാവ് എന്നിവര്‍ പങ്കെടുത്തു.