അബൂദബി: യു.എ.ഇയില്‍ മലപ്പുറം സ്വദേശിനിക്ക് ഓണ്‍ലൈന്‍ നറുക്കെടുപ്പില്‍ ലഭിച്ചത് ഒരു കോടി ദിര്‍ഹം (17.68 കോടി രൂപ). നിഷിത രാധാകൃഷ്ണന്‍ പിള്ളയെ തേടിയാണ് ഭാഗ്യമെത്തിയത്. അബൂദബി അന്താരാഷ്ട്ര വിമാനത്താവളത്തിലാണ് ബംബര്‍ സമ്മാന നറുക്കെടുപ്പ് നടന്നത്. ശിശുരോഗ വിഭാഗത്തിലെ ഡോക്ടറാണ് നിഷിത. ഭര്‍ത്താവ് രാജേഷ് തമ്പി യു.എ.ഇയില്‍ റേഡിയോളജിസ്്റ്റാണ്. നിഷിത ഇപ്പോള്‍ അമേരിക്കയിലെ ടെക്‌സാസിലാണുള്ളത്.
2016 പകുതിയോടെയാണ് ഇരുവരും ഫെല്ലോഷിപ്പിനു വേണ്ടി ടെക്‌സാസിലേക്ക് പോയത്. ദൈവനുഗ്രഹമാണ് സമ്മാനമെന്ന് ഇരുവരും പ്രതികരിച്ചു. മക്കളുടെ പഠനത്തിന് വേണ്ടി പണം ചെലവഴിക്കും. ഏതാനും മാസം മുന്‍പാണ് രാജേഷ് ഭാര്യയുടെ പേരില്‍ ഓണ്‍ലൈന്‍ ടിക്കറ്റെടുത്തത്.