ഷെയ്ഖ് റാഷിദ് റോഡിൽ ഒരു പുതിയ രണ്ട് വരി പാലം തുറന്ന് കൊടുത്തുവെന്ന് ദുബൈ റോഡ്സ് ആൻഡ് ട്രാൻസ്‌പോർട് അതോറിറ്റി (RTA) 2025 ജനുവരി 12 ന് അറിയിച്ചു. അൽ ഷിന്ദഗാ കോറിഡോർ വികസന പദ്ധതിയുടെ നാലാം ഘട്ടത്തിന്റെ ഭാഗമായാണ് ഈ പാലം നിർമ്മിച്ചിരിക്കുന്നത്.

افتتحت #هيئة_الطرق_و_المواصلات الجسر الثاني ضمن أعمال المرحلة الرابعة من مشروع تطوير محور الشندغة حيث يخدم هذا الجسر الحركة المرورية القادمة من تقاطع شارع الميناء مع شارع الشيخ راشد والمتجهة إلى تقاطع شارع الشيخ خليفة بن زايد مع شارع الشيخ راشد. يبلغ طول الجسر 605 متراً، بسعة… pic.twitter.com/e3BaY0YQ1w

— RTA (@rta_dubai) January 12, 2025

അൽ മിന സ്ട്രീറ്റ്, ഷെയ്ഖ് റാഷിദ് റോഡ് എന്നിവയുടെ ഇന്റർസെക്ഷൻ മുതൽ ഷെയ്ഖ് ഖലീഫ ബിൻ സായിദ് സ്ട്രീറ്റ് ഷെയ്ഖ് റാഷിദ് റോഡ് എന്നിവയുടെ ഇന്റർസെക്ഷൻ വരെയുള്ള മേഖലയിൽ ട്രാഫിക് സുഗമമാക്കുന്നതിന് ഈ പാലം സഹായകമാകും. 605 മീറ്റർ നീളത്തിലുള്ള ഈ രണ്ട് വരി പാലത്തിലൂടെ മണിക്കൂറിൽ 3200 വാഹനങ്ങൾക്ക് കടന്ന് പോകാൻ സാധിക്കും.

അൽ ഷിന്ദഗാ കോറിഡോർ വികസന പദ്ധതിയുടെ നാലാം ഘട്ടത്തിന്റെ ഭാഗമായി ആകെ 3.1കിലോമീറ്റർ ദൈർഘ്യമുള്ള നാല് പാലങ്ങളാണ് നിർമ്മിക്കാൻ പദ്ധതിയിടുന്നത്. ഇതിലെ ആദ്യ പാലം നേരത്തെ തുറന്ന് കൊടുത്തിരുന്നു. ഈ പദ്ധതി പ്രകാരം നിർമ്മിച്ചിട്ടുള്ള രണ്ടാമത്തെ പാലമാണ് ഇപ്പോൾ തുറന്ന് കൊടുത്തിരിക്കുന്നത്.

The Dubai Roads and Transport Authority (RTA) has announced the opening of a new bridge on Sheikh Rashid Road, aiming to enhance traffic flow and reduce congestion.