തിരുവനന്തപുരം: എ.ഡി.ജി.പി അനില്‍കാന്തിനെ വിജിലന്‍സ് മേധാവിയായി നിയമിച്ചു. വിജിലന്‍സ് മേധാവിയായിരുന്ന മുഹമ്മദ് യാസീന്‍ ഇന്നലെ വിരമിച്ചതിനെ തുടര്‍ന്നാണ് അനില്‍കാന്തിനെ നിയമിച്ചത്. ആറുമാസത്തേക്കാണ് നിയമനമെന്ന് ഉത്തരവില്‍ പറയുന്നു. ദക്ഷിണ മേഖലാ എ.ഡി.ജി.പിയായിരുന്ന അനില്‍കാന്തിന് ഉത്തര മേഖലയുടെയും ചുമതലയുണ്ടായിരുന്നു. ഇന്ന് അദ്ദേഹം വിജിലന്‍സ് മേധാവിയായി ചുമതലയേല്‍ക്കും.