സിയൂള്‍: ദക്ഷിണകൊറിയയുടെയും യു.എസിന്റെയും ഇടയിലെ സംയുക്ത സൈനിക അഭ്യാസം അവസാനിപ്പിക്കുന്ന പ്രഖ്യാപനം ഈ ആഴ്ചയുണ്ടായേക്കും. ദക്ഷിണകൊറിയന്‍ വാര്‍ത്താ ഏജന്‍സിയായ യോന്‍ഹാപ്പാണ് ഇക്കാര്യം റിപ്പോര്‍ട്ട് ചെയ്തത്.
ഉത്തരകൊറിയ ആണവ സുമ്പുഷ്ടീകരണം തുടരുകയാണെങ്കില്‍ സംയുക്ത സൈനിക അഭ്യാസം പുനരാരംഭിക്കും. സംയുക്ത സൈനിക അഭ്യാസം അവസാനിപ്പിക്കല്‍ മാത്രമാണ് നിര്‍ത്തിവയ്ക്കുകയുള്ളൂവെന്നും പതിവ് സൈനിക പരിശീലനം തുടരുമെന്നും പേര് വെളിപ്പെടുത്താത്ത സര്‍ക്കാര്‍ വൃത്തങ്ങളെ ഉദ്ധരിച്ച് യോന്‍ഹാപ്പ റിപ്പോര്‍ട്ട് ചെയ്തു.
സിംഗപ്പൂരില്‍ ഉത്തരകൊറിയന്‍ ഭരണാധികാരി കിം ജോങ് ഉന്നിന്റെയും യു.എസ് പ്രസിഡന്റ് ഡൊണാള്‍ഡ് ട്രംപിന്റെയും ഇടയില്‍ നടന്ന ഉച്ചകോടിയിലാണ് സംയുക്ത സൈനിക അഭ്യാസം അവസാനപ്പിക്കാനുള്ള തീരുമാനമെടുത്തത്.
എന്നാല്‍ സൈനിക അഭ്യാസം അവസാനിപ്പിക്കുന്നത് സംബന്ധിച്ച് നിര്‍ദേശങ്ങളെന്നും തങ്ങള്‍ക്ക് ലഭിച്ചില്ലെന്ന് ദ.കൊറിയയിലെ യു.എസ് സൈനികര്‍ ഉച്ചകോടിക്ക് ശേഷം പറഞ്ഞിരുന്നു.
ആണവനിരയുധീകരണം ഉ.കൊറിയ തുടരുകയാണെങ്കില്‍ സൈനിക അഭ്യാസം തുടരാന്‍ തങ്ങള്‍ ആഗ്രഹിക്കുന്നില്ലെന്ന് ദ.കൊറിയന്‍ പ്രസിഡന്റ് മൂണ്‍ ജോ പറഞ്ഞിരുന്നു.