കണ്ണൂര്‍: കണ്ണൂരില്‍നിന്ന് മസ്‌കത്ത്, അബൂദബി എന്നിവിടങ്ങളിലേക്കുള്ള ഗോ എയര്‍ സര്‍വിസ് തുടങ്ങി. ഇന്നലെ മുതലാണു മസ്‌കത്ത് സര്‍വിസ് തുടങ്ങിയത്. അബൂദബി സര്‍വിസ് ഇന്ന് ആരംഭിക്കും. മസ്‌കത്തിലേക്ക് ആഴ്ചയില്‍ മൂന്നുദിവസവും അബൂദബിയിലേക്ക് നാലുദിവസവുമാണു സര്‍വിസ്. ചൊവ്വ, വ്യാഴം, ശനി ദിവസങ്ങളില്‍ രാത്രി 9.45ന് പുറപ്പെട്ട് ഒമാന്‍ സമയം രാത്രി 12.05ന് മസ്‌കത്തിലെത്തും. ബുധന്‍, വെള്ളി, ഞായര്‍ ദിവസങ്ങളില്‍ മസ്‌കത്തില്‍നിന്ന് പ്രാദേശിക സമയം പുലര്‍ച്ചെ 1.05ന് പുറപ്പെട്ട് രാവിലെ ആറിന് കണ്ണൂരിലെത്തും.

കണ്ണൂരില്‍നിന്നു തിങ്കള്‍, ബുധന്‍, വെള്ളി, ഞായര്‍ ദിവസങ്ങളില്‍ രാത്രി 10.10ന് പുറപ്പെട്ട് യു.എ.ഇ സമയം പുലര്‍ച്ചെ 12.40ന് അബൂദബിയിലെത്തും. തിങ്കള്‍, ചൊവ്വ, വ്യാഴം, ശനി ദിവസങ്ങളില്‍ പ്രാദേശിക സമയം പുലര്‍ച്ചെ 1.40ന് അബൂദബിയില്‍നിന്ന് പുറപ്പെട്ട് രാവിലെ 7.10ന് കണ്ണൂരില്‍ എത്തും.