കാസര്‍കോട്: കാസര്‍കോട് ജില്ലാ കലക്ടറും ഗണ്‍മാനും ഡ്രൈവറും ക്വാറന്റൈനില്‍. ജില്ലാ കലക്ടര്‍ ഡോ.സജിത്ത് ബാബു ദാമോധരനും ഇദ്ദേഹത്തിന്റെ ഗണ്‍മാനും ഡ്രൈവറുമാണ് ക്വാറന്റൈനില്‍ പോയത്. ഇന്ന് കൊവിഡ് സ്ഥിരീകരിച്ച കാസര്‍കോട്ടെ മാധ്യമപ്രവര്‍ത്തകന്‍ ഇദ്ദേഹത്തെ അഭിമുഖം നടത്തിയിരുന്നു.

ജില്ലാ കലക്ടറുടെ സാമ്പിള്‍ പരിശോധനക്കായി ശേഖരിച്ചിട്ടുണ്ട്. അതേ സമയം മാധ്യമപ്രവര്‍ത്തകനുമായി ഇടപഴകിയവരും നിരീക്ഷണത്തിലാണ്. എന്നാല്‍ കോവിഡ് സ്ഥിരീകരിച്ച മാധ്യമപ്രവര്‍ത്തകന്‍ പോലും മുഖ്യമന്ത്രിയുടെ വാര്‍ത്താ സമ്മേളനത്തിലൂടെയാണ് കൊവിഡ് സ്ഥിരീകരിച്ച കാര്യമറിയുന്നതെന്ന വിവരവും പുറത്തു വന്നിട്ടുണ്ട്.