ബോവിക്കാനം: തോക്കുകളുമായി കാറില്‍ സഞ്ചരിക്കുകയായിരുന്ന നായാട്ടു സംഘം പിടിയില്‍. കരിവേടകം സ്വദേശികളായ കെ.പി സുകുമാരന്‍(52), ശ്രീജിത്ത്(22), നാരായണന്‍(63), മണികണ്ഠന്‍(31), മഹേഷ്(30) എന്നിവരെയാണ് ഫോറസ്റ്റ് ഫ്‌ളൈയിങ് സ്‌ക്വാഡ് ഒാഫിസര്‍ എം.കെ നാരായണന്റെ നേതൃത്വത്തിലുള്ള സംഘം ഇന്നലെ രാവിലെ ആറോടെ കാനത്തൂര്‍ പയര്‍പള്ളത്തു വച്ച് അറസ്റ്റു ചെയ്തത്.
സംഘത്തില്‍നിന്നു ലൈസന്‍സ് ഇല്ലാത്ത അഞ്ചുതോക്കുകളും ലൈസന്‍സുള്ള രണ്ടുതോക്കും ഒട്ടനവധി തിരകളും നായാട്ടു വസ്തുക്കളും പിടിച്ചെടുത്തു.
ഇവര്‍ സഞ്ചരിച്ച കാറും കസ്റ്റഡിയിലെത്തു. സെക്ഷന്‍ ഓഫിസര്‍ കെ. മധുസൂദനന്‍, പി. ശ്രീധരന്‍, കെ. രാജു, വി.വി പ്രകശന്‍, പ്രദീപ് എന്നിവരുമുണ്ടായിരുന്നു.