താനൂര്‍:ഒഴൂര്‍ കുറുവട്ടശ്ശേരിയില്‍ കൃഷിഭൂമി നികത്താന്‍ ശ്രമം. കുറുവട്ടശ്ശേരി  അങ്ങാടിക്കും കോറാട് പള്ളിക്കുമിടയില്‍  കെ ടി ബ്രദേഴ്‌സ് വുഡ് ഇന്‍ഡട്രീസിന്  എതിര്‍വശത്തുള്ള റോഡും അരികുഭിത്തിയുമാണു വാഹനം കടത്തുന്നതിനു തകര്‍ത്തിട്ടുള്ളത്.
ഒഴൂര്‍ സ്വദേശി മുക്കിലയില്‍ ഹരിദാസന്‍ എന്നിവരുടെ ഉടമസ്ഥതയിലുള്ള സ്ഥലമാണിത്. നെല്‍കൃഷി നടത്തിയിരുന്ന  പാടം നികത്തുന്നതിനായി ലോറി, ജെ സി ബി  തുടങ്ങിയ വാഹനങ്ങള്‍ കടത്തിവിടാനാണു ഭിത്തികള്‍ തകര്‍ത്തിട്ടുള്ളത്. പ്രദേശം തണ്ണീര്‍തടമായതിനാലും ,നെല്‍കൃഷി നടത്തിയിരുന്നതിനാലും ഭൂമി തരം തിരിക്കുന്നതിനായി തെങ്ങിന്‍ തൈകള്‍ വെച്ചുപിടിപ്പിച്ചിരുന്നതായി പരാതിക്കാരന്‍ പറഞ്ഞു.
കൃഷി ഭൂമി തരം മാറ്റുക, നെല്‍വയലിലേക്കു വാഹനങ്ങള്‍ കടത്തുക ,പൊതുമുതല്‍ തകര്‍ക്കുക എന്നീ കാര്യങ്ങള്‍ ചെയ്തവര്‍ക്കെതിരേ  അധികൃതര്‍ക്കു പരാതി നല്‍കുമെന്നു ഇവര്‍ പറഞ്ഞു.