ലണ്ടന്‍: വെസ്റ്റ്മിന്‍സ്റ്റര്‍ ഭീകരാക്രമണത്തില്‍ പരുക്കേറ്റ് ചികിത്സയിലായിരുന്ന റൊമാനിയന്‍ വംശജ മരിച്ചു. ഇതോടെ മരണസംഖ്യ അഞ്ചായി. സംഭവത്തിനിടെ തൈംസ് നദിയില്‍ വീണ ആന്‍ഡ്രീയ ക്രിസ്റ്റി ആണ് മരിച്ചത്.
ഗുരുതരാവസ്ഥയിലായിരുന്ന ഇവര്‍ക്ക് ആശുപത്രിയില്‍ വിദഗ്ധ ചികിത്സ നല്‍കിവരികയായിരുന്നു. സുഹൃത്ത് ആന്‍ഡ്രി ബുര്‍നാസിനൊപ്പം വെസ്റ്റ്മിന്‍സ്റ്ററില്‍ അവധിദിവസം ചെലവഴിക്കാനെത്തിയതായിരുന്നു ആര്‍കിടെക്ട് കൂടിയായ ക്രിസ്റ്റി.
കഴിഞ്ഞ മാസം 22നാണ് ബ്രിട്ടീഷ് പൗരനായ ഖാലിദ് മസ്ഊദ് വെസ്റ്റ്മിന്‍സ്റ്റര്‍ പാലത്തില്‍ ആള്‍ക്കൂട്ടത്തിലേക്ക് വാഹനം ഇടിച്ചുകയറ്റി ആക്രമണം നടത്തിയത്. തുടര്‍ന്ന് ഇയാള്‍ സ്വയം വെടിവച്ച് ആത്മഹത്യചെയ്തിരുന്നു.