കല്ലമ്പലം: അരനൂറ്റാണ്ടിലധികം നീണ്ട സമര പോരാട്ടങ്ങള്‍ക്കൊടുവില്‍ നാവായിക്കുളം പഞ്ചായത്തിലെ നൈനാംകോണം കോളനിക്കാര്‍ക്കുള്ള പട്ടയം യാഥാര്‍ഥ്യമാകുന്നു.
നൈനാംകോണം കൂടാതെ പള്ളിക്കല്‍ പഞ്ചായത്തിലെ ചെങ്ങറ ഭൂസമരക്കാരില്‍ 21 പേര്‍ക്കും വര്‍ക്കല താലൂക്കിലെ 24 കുടുംബങ്ങള്‍ക്കും ഇതോടനുബന്ധിച്ച് നാളെ ഉടമസ്ഥാവകാശം നല്‍കുമെന്ന് വി. ജോയി എം.എല്‍.എ അറിയിച്ചു.
ആകെ 70 പേര്‍ക്കാണു പട്ടയം വിതരണം ചെയ്യുന്നത്. നൈാംകോണം കോളനിയില്‍ അവശേഷിക്കുന്ന ഭൂരഹിതര്‍ക്കു ലാന്‍ഡ് ട്രൈബ്യൂണല്‍ ഉത്തരവു വരുന്ന മുറയ്ക്കു ഭൂമി കൈമാറും. സര്‍ക്കാരിന്റെ 12.93 ഏക്കര്‍ മിച്ചഭൂമിയിലാണു നൈനാംകോണം കോളനിക്കാര്‍ താമസിച്ചുവരുന്നത്.
രേഖകളെല്ലാമുണ്ടെങ്കിലും പട്ടയമില്ലാത്തതിനാല്‍ ഭൂമി ക്രയവിക്രയം ചെയ്യാനോ മറ്റോ കഴിയാത്ത സ്ഥിതിയായിരുന്നു.