തിരുവനന്തപുരം: ഇന്നു ചേരുന്ന പ്രത്യേക മന്ത്രിസഭാ യോഗത്തില്‍ കീം ഫലം പ്രസിദ്ധീകരിക്കുന്നതുമായി സംബന്ധിച്ച്  ചര്‍ച്ച ചെയ്യും. മാര്‍ക്ക് ഏകീകരണത്തില്‍ വിദഗ്ധ സമിതി നല്‍കിയ ശുപാര്‍ശകളിലും സര്‍ക്കാര്‍ ഇന്ന് അന്തിമ തീരുമാനമെടുക്കും. 

മാര്‍ച്ചില്‍ ശുപാര്‍ശ നല്‍കിയിട്ടും സര്‍ക്കാര്‍ തീരുമാനം വൈകിയത് കൊണ്ടാണ് ഫലപ്രഖ്യാപനവും നീളുന്നത്. ഹയര്‍ സെക്കന്‍ഡറിയിലെ മാര്‍ക്കും കീമിലെ സ്‌കോറും ചേര്‍ത്തുള്ള നിലവിലെ ഏകീകരണത്തില്‍ സംസ്ഥാന സിലബസിലെ വിദ്യാര്‍ത്ഥികള്‍ക്ക് മാര്‍ക്ക് കുറയുന്നുവെന്നുള്ള പരാതിയെ തുടര്‍ന്നാണ് മാറ്റം കൊണ്ട് വരാന്‍ തീരുമാനിച്ചത്.

ഹയര്‍സെക്കന്‍ഡറിയിലെ ഫിസിക്‌സ്, കെമിസ്ട്രി, മാത്ത്‌സ് വിഷയങ്ങളിലെ മാര്‍ക്കും കീമിന്റെ സ്‌കോറും ചേര്‍ത്താണ് ഏകീകരണം.
ഈ രീതിയില്‍ കേരള സിലബസിലെ വിദ്യാര്‍ത്ഥികള്‍ക്ക് സിബിഎസ്ഇ വിദ്യാര്‍ത്ഥികളെക്കാള്‍ 15 മുതല്‍ 20 വരെ മാര്‍ക്ക് വരെ കുറയുന്നുവെന്നാണ് വ്യാപകമായുള്ള പരാതി.

ALSO READ: പ്രാഥമിക വിദ്യാലയങ്ങളിൽ ഹിന്ദിയെ മൂന്നാം ഭാഷയായി പ്രഖ്യാപിച്ച തീരുമാനം പിൻവലിച്ച് മഹാരാഷ്ട്ര ഗവൺമെൻറ്

പരാതിക്കൊടുവിലാണ് ഏകീകരണ ഫോര്‍മുല പരിഷ്‌കരിക്കാന്‍ തീരുമാനിച്ചിരിക്കുന്നത്. മാര്‍ക്ക് ഏകീകരണത്തില്‍ അഞ്ച് തരം മാറ്റങ്ങള്‍ നിര്‍ദേശിച്ചാണ് വിദഗ്ധ സമിതി റിപോര്‍ട്ട് നല്‍കിയിരിക്കുന്നത്. നീറ്റ് ഫലം വന്ന് മൂന്നാഴ്ച കഴിഞ്ഞിട്ടും കീം ഫലം വന്നിട്ടുമില്ല. 

തുടര്‍ പഠനത്തിനുള്ള തീരുമാനം എടുക്കാന്‍ പോലുമാകാതെ വിദ്യാര്‍ത്ഥികള്‍ ആശങ്കയിലാണ്. സര്‍ക്കാര്‍ നയപരമായ തീരുമാനമെടുത്താല്‍ രണ്ട് ദിവസത്തിനുള്ളില്‍ ഫലം പ്രസിദ്ധീകരിക്കുമെന്നാണ് എന്‍ട്രന്‍സ് കമ്മീഷണറുടെ ഓഫിസ് അറിയിച്ചിരിക്കുന്നത്.

A special Cabinet meeting is scheduled today in Thiruvananthapuram to discuss the delay in publishing the KEAM (Kerala Engineering Architecture Medical) results.