തൊടുപുഴ: സംസ്ഥാന സര്‍ക്കാര്‍ നിര്‍ദേശിച്ച ബജറ്റ് സംബന്ധിച്ച് റൂള്‍സ് പ്രകാരമുള്ള ഷെഡ്യൂള്‍ പാലിച്ച്‌കൊണ്ടാണ് നഗരസഭയില്‍ ബജറ്റ് അവതരിപ്പിച്ചതെന്ന് യു. ഡി.എഫ് പാര്‍ലമെന്ററി പാര്‍ട്ടിലീഡര്‍ എ. എംഹാരിദ് പറഞ്ഞു.
അവിശ്വാസത്തിലൂടെ പുറത്തായതിന്റെ ജാള്യത തീര്‍ക്കാനാണ് ബജറ്റ് ചര്‍ച്ച അലങ്കോലപ്പെടുത്താന്‍ എല്‍ ഡി എഫ് ശ്രമിച്ചതെന്നും ഹാരിദ് ആരോപിച്ചു. പുതിയ നിരവധി പദ്ധതികള്‍ ബജറ്റിലൂടെ യു ഡി എഫ് നാടിന് സമര്‍പ്പിച്ചിട്ടുണ്ട്. ഇതൊന്നും ചര്‍ച്ചയാവാതിരിക്കാനുള്ള നീക്കമാണ് എല്‍ ഡി എഫ് നടത്തിയത്.
നഗരസഭയില്‍ കഴിഞ്ഞ ആറ് മാസം സൂപ്പര്‍ ചെയര്‍മാന്‍ ചമഞ്ഞ് നടന്നപ്പോള്‍ ഉണ്ടായ മാനസിക ഉല്ലാസം പെടുന്നനെ നഷ്ടമായതിന്റെ ആഘാതമാണ് സി.പി.എം കൗണ്‍സിലര്‍ ബജറ്റ് ചര്‍ച്ച നടക്കവെ കാട്ടിക്കൂട്ടിയ പേക്കൂത്തുകള്‍ക്ക് കാരണമെന്ന് ഹാരിദ് കുറ്റപ്പെടുത്തി.