മുക്കം: സ്വാശ്രയ കോളജ് ലോബികളുടെ പീഡനംമൂലം ജീവത്യാഗം ചെയ്ത ജിഷ്ണുവിന്റെ അമ്മയെ തെരുവില്‍ വലിച്ചിഴച്ച ഇടതുപക്ഷ സര്‍ക്കാരിന്റെ ഫാസിസ്റ്റ് സമീപനത്തില്‍ എം.എ.എം.ഒ കോളജ് എസ്.കെ.എസ്.എസ്.എഫ് ക്യാംപസ് വിങ് പ്രതിഷേധിച്ചു.  നീതിക്കുവേണ്ടി ഒരമ്മ നടത്തിയ സമരത്തെ ക്രൂരമായി അടിച്ചമര്‍ത്തിയത്  പ്രതിഷേധാര്‍ഹമാണെന്നും യോഗം വിലയിരുത്തി. ജില്ലാ കോര്‍ഡിനേറ്റര്‍ ഫാരിസ് തച്ചുംപൊയില്‍, ചെയര്‍മാന്‍ ബാസിത്, ഹാസില്‍ പൂനൂര്‍, ഷഫീഖ് മണാശേരി, ഷഹീര്‍ കോണോട്ട്, യഹിയ തങ്ങള്‍, സുഹൈല്‍ വാവാട്, മുസമ്മില്‍ സംസാരിച്ചു.