ന്യൂഡല്‍ഹി:  ഡല്‍ഹി, മുംബൈ, പൂനെ എന്നിവിടങ്ങളില്‍ കൊവിഡ് ബാധിത മേഖലകളല്ലാത്ത സ്ഥലങ്ങളിലെ മദ്യശാലകള്‍ തുറക്കാന്‍ തീരുമാനം.

ഡല്‍ഹിയിലെ 545 മദ്യശാലകളില്‍ 450 എണ്ണം തുറക്കാനാണ് തീരുമാനം. അതേസമയം ഡല്‍ഹിയിലെ മാളുകളിലെ മദ്യശാലകള്‍ തുറക്കില്ല. തീവ്രബാധിത മേഖലകളിലെ മദ്യശാലകളും തുറന്നു പ്രവര്‍ത്തിക്കില്ല.

മദ്യവില്‍പ്പന ശാലകള്‍ക്ക് നിയന്ത്രണങ്ങള്‍ക്ക് വിധേയമായി പ്രവര്‍ത്തിക്കാമെന്ന് ലോക്ക് ഡൗണ്‍ ഇളവുകള്‍പ്രഖ്യാപിക്കുന്നതിനിടെ കേന്ദ്രം വ്യക്തമാക്കിയിരുന്നു.ഇതിനുപിന്നാലെയാണ് മദ്യശാലകള്‍ തുറക്കുന്നത്.