സി.സി.ടി.വി ദൃശ്യങ്ങള്‍ നടന്ന സംഭവത്തെ കാണിച്ചു കൊടുക്കുന്നതോടൊപ്പം വലിയ ബോധവല്‍ക്കരണവും നല്‍കുന്നുണ്ട്. ട്രെയിന്‍ വരുന്നതു ശ്രദ്ധിക്കാതെ നടന്നു പോയ യുവതി രക്ഷപ്പെട്ടത് ആരുടെയൊക്കെയോ ഭാഗ്യം കൊണ്ടാണെന്നു പറയാം. അത്രയ്ക്കും മുള്‍മുനയില്‍ നിര്‍ത്തുന്നൊരു വീഡിയോ ആണ് ഇവിടെ.

ന്യൂസിലാന്റില്‍ നിന്നുള്ളതാണ് ദൃശ്യം. അക്‌ലാന്റിലെ മൗണ്ട് ഈദന്‍ സ്‌റ്റേഷനു സമീപത്തുള്ള ക്രോസിങ് ലൈനിലൂടെ അലാറം ലൈറ്റ് മിന്നുമ്പോഴും ആളുകള്‍ നടന്നുപോവുകയാണ്. അതിവേഗത്തില്‍ കുതിച്ചു പായുന്ന ട്രെയിന്‍ വരുന്നത് കാണാത്ത യുവതി ഒരു ശ്രദ്ധയുമില്ലാതെയാണ് പാളം കടന്നത്.

വലതു വശത്തേക്കു മാത്രമാണ് ഇവര്‍ തിരിഞ്ഞുനോക്കുന്നത്. ഇതു ശ്രദ്ധിച്ച ട്രെയിന്‍ ഡ്രൈവര്‍ എമര്‍ജന്‍സി ബ്രേക്ക് ചെയ്തതു കൊണ്ടാണ് വേഗത കുറഞ്ഞത്. ഏപ്രില്‍ ഏഴിന് രാവിലെ നടന്ന സംഭവമാണിത്.