പാലക്കാട് :  ഈ വരുന്ന 14, 15, 16 തിയ്യതികളില്‍ മണ്ണാര്‍ക്കാട് ഹുദൈബിയ്യ നഗറില്‍ നടക്കുന്ന എസ്.കെ.എസ്.എസ്.എഫ് മദീന പാഷന്‍ ജില്ലാ സമ്മേളനത്തിന്റെ പ്രചരണാര്‍ഥം സമസ്ത കേരള സുന്നീ ബാലവേദി ഇന്ന് മെസ്സേജ് ഡെ ആയി ആചരിക്കും.
സാമൂഹ്യ മാധ്യമങ്ങളായ ഫെയ്‌സ്ബുക്ക്, വാട്‌സ് ആപ്പ്, ഈ  മെയില്‍ തുടങ്ങിയ സംവിധാനങ്ങളിലൂടെ സമ്മേളനം സന്ദേശം കൈമാറും.
മെസ്സേജ് ഡെയുടെ ഉദ്ഘാടനം എസ്.കെ.എസ്.എസ്.എഫ് സംസ്ഥാന അധ്യക്ഷന്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വ്വഹിച്ചു.
 ജില്ലാ പ്രസിഡണ്ട് മുനാഫര്‍ ഒറ്റപ്പാലം അധ്യക്ഷനായി. എസ്.കെ.എസ്.എസ്.എഫ് സംസ്ഥാന ഉപാധ്യക്ഷന്‍ ഹബീബ് ഫൈസി കോട്ടോപ്പാടം, മുസ്ലിം ലീഗ് ജില്ലാ സെക്രട്ടറി കല്ലടി അബൂബക്കര്‍, മനാഫ് കോട്ടോപ്പാടം, ജുനൈസ്  തുടങ്ങിയവര്‍ സംബന്ധിച്ചു. മെസ്സേജ് ഡെ വിജയിപ്പിക്കാന്‍ ശാഖാ റൈഞ്ച് ഭാരവാഹികള്‍ കര്‍മ്മരംഗത്തിറങ്ങണമെന്ന് ജില്ലാ ഭാരവാഹികള്‍ അഭ്യര്‍ഥിച്ചു.