തിരൂരങ്ങാടി: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ സെക്കന്‍ഡറി പ്രവേശന പരീക്ഷ 12ന് വിവിധ കേന്ദ്രങ്ങളില്‍ നടക്കും.
ഓണ്‍ലൈന്‍വഴി ഡൗണ്‍ലോഡ് ചെയ്ത ഹാള്‍ടിക്കറ്റും പ്രായം തെളിയിക്കുന്നതിന് സമര്‍പ്പിച്ച രേഖയുടെ ഒറിജിനല്‍ കോപ്പിയും സഹിതം രക്ഷിതാക്കള്‍ വിദ്യാര്‍ഥികളുമായി അതത് പരീക്ഷാസെന്ററുകളില്‍ എത്തണം. കഴിഞ്ഞ വര്‍ഷമാണ് സമസ്ത അഞ്ചാംക്ലാസ് പൊതുപരീക്ഷ പാസായതെങ്കില്‍ മാര്‍ക്ക്‌ലിസ്റ്റിന്റെ ഒറിജിനല്‍ കോപ്പിയും ഹാജരാക്കണം.

മലപ്പുറം ജില്ലയില്‍ നാലു കേന്ദ്രങ്ങളിലും കാസര്‍കോട്, കണ്ണൂര്‍, കോഴിക്കോട്, വയനാട്, പാലക്കാട്, എറണാകുളം, തിരുവനന്തപുരം ജില്ലകളിലെ നിശ്ചിത സെന്ററുകളിലുമാണ് പരീക്ഷകള്‍ നടക്കുക.

വനിതാ കോളജിലേക്കും മമ്പുറം ഹിഫ്‌ള് കോളജിലേക്കുമുള്ള പ്രവേശന പരീക്ഷ 13ന് ദാറുല്‍ഹുദാ കാംപസില്‍ നടക്കും. വിവരങ്ങള്‍ക്ക് 04942463155.