തിരുവനന്തപുരം: കലകള്‍ക്കും കലാകാരന്‍മാര്‍ക്കും മാത്രമേ വര്‍ഗീയതയെ ചെറുത്തുതോല്‍പ്പിക്കാന്‍ കഴിയൂവെന്ന് ചലച്ചിത്ര അക്കാദമി ചെയര്‍മാന്‍ കമല്‍ പറഞ്ഞു.
പ്രസ്‌ക്ലബില്‍ നടന്ന ചടങ്ങില്‍ മലയാള സാംസ്‌കാരികവേദിയുടെ കാക്കനാടന്‍ പുരസ്‌കാരം കവി അര്‍ഷാദ് ബത്തേരിക്ക് നല്‍കിയ ശേഷം സംസാരിക്കുകയായിരുന്നു അദ്ദേഹം. വര്‍ഗീയത രാജ്യത്ത് വേരുറപ്പിക്കുന്ന കാലത്ത് പുതിയതലമുറ വിഷയത്തെ ഗൗരവകരമായി മനസിലാക്കണമെന്നും അദ്ദേഹം പറഞ്ഞു. മുന്‍മന്ത്രി പന്തളം സുധാകരന്‍ അധ്യക്ഷനായി. എഴുത്തുകാരായ ബാബുകുഴിമറ്റം, ബി. മുരളി, സി.ഇ സുനില്‍ സംസാരിച്ചു.
സാംസ്‌കാരിക വേദി ചെയര്‍മാന്‍ അന്‍സാര്‍ വര്‍ണന സ്വാഗതവും വൈസ് ചെയര്‍മാന്‍ എം. രാജു നന്ദിയും പറഞ്ഞു.