കോഴിക്കോട്: മുസ്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങളെ അപമാനിച്ച് സോഷ്യല്‍ മീഡിയയില്‍ പോസ്റ്റിട്ട യുവമോര്‍ച്ച വനിതാ നേതാവിനെതെരേ പൊലിസില്‍ പരാതി.

മുസ്‌ലിം യൂത്ത് ലീഗ് കോഴിക്കോട് ജില്ലാ ഉപാധ്യക്ഷന്‍ ജാഫര്‍ സാദിഖാണ് പരാതി നല്‍കിയത്. യുവമോര്‍ച്ചാ നേതാവായ ലസിത പാലക്കലിനെതിരെ കോഴിക്കോട് സിറ്റി പൊലിസ് കമ്മീഷണര്‍ക്കാണ് പരാതി നല്‍കിയത്.

ആംബുലന്‍സില്‍ നിന്ന് പാന്‍മസാല പിടിച്ചെടുത്തതുമായി ബന്ധപ്പെട്ട് ഉയര്‍ന്ന വിവാദങ്ങളിലാണ് ഇവര്‍ പാണക്കാട് ശിഹാബ് തങ്ങളെ അപമാനിക്കുന്ന തരത്തില്‍ ഫോട്ടോ ഫേസ്ബുക്കില്‍ പങ്കുവെച്ചത്. വലിയ പ്രതിഷേധമാണ് ഇതിനെതിരെ ഉയര്‍ന്നിരുന്നത്.