മുംബൈ: ഐ ലീഗിലെ സൂപ്പര്‍ പോരാട്ടങ്ങളില്‍ ശിവാജിയന്‍സിനെതിരേ ഷില്ലോങ് ലജോങിനും മിനര്‍വ പഞ്ചാബിനെതിരേ ചെന്നൈ സിറ്റിക്കും ജയം. മറ്റൊരു മത്സരത്തില്‍ മുംബൈയെ, ചര്‍ച്ചില്‍ ബ്രദേഴ്‌സ് ഗോള്‍ രഹിത സമനിലയില്‍ കുരുക്കി.
ശിവാജിയന്‍സിനെതിരേ ഇഞ്ചോടിഞ്ച് പോരാട്ടത്തിലാണ് ഷില്ലോങ് ജയിച്ചത്. ഐസക് വന്‍മല്‍സാംവ്മ, ലാല്‍മുവാന്‍പിയ, റെദീം ലാങ് എന്നിവര്‍ ഷില്ലോങിനായി സ്‌കോര്‍ ചെയ്തു. മിലാന്‍ സിങ്, പ്രഞ്ചാല്‍ ഭൂമിജ് എന്നിവര്‍ ശിവാജിയന്‍സിനായി ഗോള്‍ നേടി.
പഞ്ചാബിനെതിരേ ഏകപക്ഷീയമായിരുന്നു ചെന്നൈയുടെ ജയം. ഇരുപാതികളിലായി മൈക്കല്‍ സൂസൈരാജ്, ചാള്‍സ് ഡിസൂസ എന്നിവര്‍ ഗോള്‍ നേടി.
ചര്‍ച്ചില്‍-മുംബൈ പോരാട്ടത്തില്‍ ഇരുടീമുകളുടെയും പ്രകടനം നിരാശാജനകമായിരുന്നു. അവസരങ്ങള്‍ പലതും ലഭിച്ചെങ്കിലും മുതലാക്കാന്‍ ഇരുടീമുകള്‍ക്കും സാധിച്ചില്ല.