പഴയങ്ങാടി: മാടുകളെ കയറൂരി വിട്ടു ഗതാഗത തടസമുണ്ടാക്കുന്നതായി പരാതി. പുതിയങ്ങാടി, മൊട്ടാമ്പ്രം പ്രദേശങ്ങളിലാണ് പോത്ത് ഉള്‍പ്പെടെയുളള അറവുമാടുകളെ കയറൂരി വിടുന്നത്. രാപ്പകല്‍ ഭേദമന്യേ റോഡുകളിലും പ്രദേശത്തെ ഇടവഴികളിലും മാടുകളെ കൊണ്ടുള്ള ശല്യം രൂക്ഷമാണ്. രാത്രി സമയങ്ങളില്‍ കച്ചവട സ്ഥാപനങ്ങളും മാടുകളെകൊണ്ട് ദുരിതം പേറുകയാണ്.
വീട്ടുപറമ്പുകളില്‍ കയറി കൃഷി വിളകള്‍ നശിപ്പിക്കുന്നതായും പരാതിയുണ്ട്. അറവുമാടുകളെ ഇളക്കിവിട്ട് ജനങ്ങള്‍ക്ക് ദുരിതം തീര്‍ക്കുന്നത് അധികൃതരുടെ ശ്രദ്ധയില്‍പെടുത്തിയെങ്കിലും ഇതുവരേയും ഒരു നടപടിയും സ്വീകരിച്ചിട്ടില്ലെന്ന് നാട്ടുകാര്‍ പറയുന്നു.