കല്‍പ്പറ്റ: പതിനഞ്ചുകാരിയെ ലൈംഗികമായി പീഡിപ്പിച്ച കേസില്‍ പിതാവിനെ പോക്‌സോ ചുമത്തി പൊലിസ് അറസ്റ്റ് ചെയ്തു. കമ്പളക്കാട് പൊലിസ് സ്റ്റേഷന്‍ പരിധിയിലാണ് സംഭവം.
രണ്ടു വിവാഹം കഴിച്ച പ്രതി മകളെ 2017 മുതല്‍ 2018 ഡിസംബര്‍ വരെ പലദിവസങ്ങളിലായി വീട്ടില്‍വച്ച് ലൈംഗികമായി പീഡിപ്പിച്ചതായാണ് പരാതി. തുടര്‍ന്ന് കുട്ടി അധ്യാപികയോട് ഇക്കാര്യം പറഞ്ഞതിന്റെ അടിസ്ഥാനത്തില്‍ സ്‌കൂള്‍ അധികൃതര്‍ ചൈല്‍ഡ് ലൈനില്‍ വിവരമറിയിച്ചു.
ചൈല്‍ഡ് ലൈന്‍ പരാതി കമ്പളക്കാട് പൊലിസിന് കൈമാറുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.