ന്യൂഡല്‍ഹി: എ.എഫ്.സി ചാംപ്യന്‍ഷിപ്പിനുള്ള അണ്ടര്‍ 23 ഇന്ത്യന്‍ ടീമില്‍നിന്ന് പൂനെ സിറ്റി താരം ആഷിഖ് കുരുണിയന്‍ പുറത്ത്. പരുക്ക് കാരണമാണ് ആഷിഖ് ടീമില്‍ നിന്ന് പുറത്തായത്. മികച്ച ഫോമില്‍ നില്‍ക്കുന്ന താരം ടീമില്‍നിന്ന് പുറത്തായത് ഇന്ത്യക്ക് തിരിച്ചടിയാകും. ഏഷ്യന്‍ കപ്പിലെ മികച്ച പ്രകടനമായിരുന്നു ആഷിഖിന് ടീമിലേക്കുള്ള വിഴിതുറന്നത്. 37 അംഗ സാധ്യതാ ടീമില്‍ ഉള്‍പ്പെട്ടതായിരുന്നു താരം. ഹിതേശ് ശര്‍മ, ജെറി എന്നിവടും 37 അംഗ ടീമില്‍നിന്ന് പുറത്തായിട്ടുണ്ട്. ഇവരും പരുക്ക് കാരണമാണ് ക്യാംപ് വിട്ടിട്ടുള്ളത്. പരുക്കേറ്റ് പുറത്ത് പോയ മൂന്ന് പേര്‍ക്ക് പകരക്കാരെ പ്രഖ്യാപിച്ചിട്ടില്ല. മലയാളി താരങ്ങളായ ഇന്ത്യന്‍ ആരോസ് താരം കെ.പി രാഹുല്‍, കേരള ബ്ലാസ്റ്റേഴ്‌സ് താരം സഹല്‍ എന്നിവര്‍ നിലവില്‍ ക്യാംപിലുണ്ട്.