ഫറോക്ക്: സഹപാഠിക്ക് ജീവതമാര്‍ഗം ഉണ്ടാക്കി കൊടുത്ത് പൂര്‍വവിദ്യാര്‍ഥികള്‍ മാതൃകയായി. ഫറോക്ക് ഗവ.ഗണപത് വൊക്കേഷനല്‍ ഹയര്‍സെക്കന്‍ഡറി സ്‌കൂളിലെ 1992 ബാച്ചാണ് സഹപാഠിയായ സുബ്രഹ്മണ്യന് ഗുഡ്‌സ് ഓട്ടോ വാങ്ങി നല്‍കിയത്. ആറ് മാസം മുന്‍പ് രൂപീകരിച്ച വാട്ട്‌സ്ആപ്പ് ഗ്രൂപ്പിലെ അംഗങ്ങള്‍ ചേര്‍ന്നാണ് ഓട്ടോ വാങ്ങുന്നതിനുളള പണം സ്വരൂപിച്ചു നല്‍കിയത്.
മറ്റൊരാളുടെ ഓട്ടോ ഓടിച്ചിരുന്ന സുബ്രഹ്മണ്യന് കഴിഞ്ഞ മാസം ഉണ്ടായ അപകടത്തില്‍ സാരമായി പരുക്കേറ്റിരുന്നു. അപകടത്തില്‍ ഓട്ടോ തകര്‍ന്നതോടെ സുബ്രഹ്മണ്യന് കുടുംബം പോറ്റാന്‍ മാര്‍ഗമില്ലാതായി. ഇതറിഞ്ഞാണ് കൂടെ പഠിച്ചവര്‍ ചേര്‍ന്ന് ഓട്ടോവാങ്ങി നല്‍കിയത്.