ഓമശ്ശേരി: വാദി ഹുദയുടെ ആഭിമുഖ്യത്തില്‍ നടക്കുന്ന വാര്‍ഷിക പ്രഭാഷണത്തിന്റേയും ഹോസ്റ്റല്‍ കെട്ടിട ഉദ്ഘാടനത്തിന്റേയും ഒരുക്കങ്ങള്‍ പൂര്‍ത്തിയായി. ചൊവ്വാഴ്ച വൈകിട്ട് നാലിന് എം.പി ഇബ്രഹീം കുട്ടി ഹാജി പതാക ഉയര്‍ത്തുന്നതോടെ ചതുര്‍ദിന പ്രഭാഷണ പരമ്പരക്ക് തുടക്കമാകും. ബുധനാഴ്ച വാദി ഹുദാ ശരീഅത്ത് കോളജ് പ്രിന്‍സിപ്പല്‍ അബ്ദുല്‍ ബാരി ബാഖവി വാവാടിന്റെ അധ്യക്ഷതയില്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. അന്‍വര്‍ മുഹ്‌യുദ്ദീന്‍ ഹുദവി ആലുവ പ്രഭാഷണം നടത്തും.  വ്യാഴാഴ്ച ചെറുശ്ശേരി ഉസ്താദ് സ്മാരക വാദി ഹുദാ ശരീഅത്ത് കോളജ് ഹോസ്റ്റല്‍ ഉദ്ഘാടനം വാദി ഹുദാ പ്രസിഡന്റ് ഇ.കെ ഹുസൈന്‍ ഹാജിയുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിക്കും. വലിയുദ്ധീന്‍ ഫൈസി വാഴക്കാട് പ്രഭാഷണം നടത്തും. വെള്ളിയാഴ്ച വാദി ഹുദാ വൈസ് പ്രസിഡന്റ് പി.വി അബ്ദുറഹിമാന്‍ മാസ്റ്ററുടെ അധ്യക്ഷതയില്‍ പ്രഭാഷണം കാരാട്ട് റസാഖ് എം.എല്‍.എ ഉദ്ഘാടനം ചെയ്യും. ജമാലുദ്ദീന്‍ ഫൈസി വേങ്ങൂര്‍ മുഖ്യപ്രഭാഷണം നടത്തും. സമാപന ദിവസം മജ്‌ലിസുന്നൂര്‍ സദസിന് ടി.പി.സി മുഹമ്മദ് കോയ ഫൈസി നേതൃത്വം നല്‍കും. എം.ടി മുഹമ്മദ് മാസ്റ്ററുടെ അധ്യക്ഷതയില്‍ ഉമര്‍ ഫൈസി മുക്കം ഉദ്ഘാടനം ചെയ്യും. റഹ്മത്തുല്ലാ ഖാസിമി മുത്തേടം പ്രഭാഷണം നടത്തും.