തിരുവനന്തപുരം: കൊവിഡ് കാരണം ഇതരസംസ്ഥാനങ്ങളില്‍ കുടുങ്ങിക്കിടക്കുന്നവര്‍ക്ക് കേരളത്തിലേക്ക് മടങ്ങുന്നതിന് ടൂര്‍ ഓപ്പറേറ്റര്‍മാര്‍ വഴി വാഹന സൗകര്യം ഒരുക്കാന്‍ ടൂറിസം വകുപ്പ് ഓണ്‍ലൈന്‍ സംവിധാനം തയാറാക്കി. ഇതിനായി 150ല്‍പരം ട്രാന്‍സ്‌പോര്‍ട്ട്-ടൂര്‍ ഓപ്പറേറ്റര്‍മാരുടെ രജിസ്‌ട്രേഷന്‍ ഇതിനകം ഉറപ്പാക്കിയിട്ടുണ്ടെന്ന് ടൂറിസം വകുപ്പ് സെക്രട്ടറി റാണി ജോര്‍ജ് അറിയിച്ചു. 

വാഹനം ആവശ്യമുള്ളവര്‍ക്ക്  ംംം.സലൃമഹമീൗേൃശാ.െീൃഴ എന്ന വെബ്‌സൈറ്റില്‍ രജിസ്റ്റര്‍ ചെയ്യാം. ആവശ്യാനുസരണമുള്ള വാഹനവും തെരഞ്ഞെടുക്കാം. ഇതനുസരിച്ച് ആവശ്യമുള്ള വാഹനവും  ബന്ധപ്പെടേണ്ട നമ്പരും അടക്കമുള്ള വിവരങ്ങള്‍ ടൂര്‍ ഓപ്പറേറ്റര്‍ക്ക് ടൂറിസം വകുപ്പ് ഇ-മെയില്‍ വഴി കൈമാറും. അതേസമയം തന്നെ യാത്രക്കാര്‍ക്കും രജിസ്റ്റര്‍ നമ്പറും തെരഞ്ഞെടുക്കുന്ന ഓപ്പറേറ്ററെ ബന്ധപ്പെടാനുള്ള ഫോണ്‍ നമ്പറും ലഭ്യമാക്കും. പരസ്പരം ബന്ധപ്പെട്ട് യാത്ര സംബന്ധിച്ച വിവരങ്ങളും യാത്രാക്കൂലിയും നിശ്ചയിക്കാം.ബസുകളും കാറുകളുമടക്കം ഇത്തരത്തില്‍ ലഭ്യമാണ്. ഈ വാഹന നമ്പര്‍ ഉപയോഗിച്ച് കേരളത്തിലേക്കുള്ള യാത്രാ പാസിനും അപേക്ഷിക്കാം. ഇതുവരെ രജിസ്റ്റര്‍ ചെയ്തിട്ടില്ലാത്ത ഓപ്പറേറ്റര്‍മാര്‍ www.keralaoturims.orgotdatacollectionoturoperaotr എന്ന ലിങ്കില്‍ ഉടന്‍ രജിസ്റ്റര്‍ ചെയ്യണമെന്നും ടൂറിസം സെക്രട്ടറി അഭ്യര്‍ഥിച്ചു.