ശ്രീകൃഷ്ണപുരം: മംഗലാംകുന്നില്‍ നിര്‍ത്തിയിട്ട ടോറസ് ലോറി മുന്നിലേക്ക് ഉരുണ്ടുനീങ്ങി മംഗലാംകുന്ന് സെന്ററില്‍ നിര്‍ത്തിയിട്ടിരുന്ന കാറും രണ്ട് കടകളും തകര്‍ത്തു. മംഗലാംകുന്ന്-കോങ്ങാട് റോഡ് നിര്‍മാണത്തിനായി മെറ്റല്‍ കൊണ്ടുവന്ന ടിപ്പര്‍ ലോറിയാണ് അപകടമുണ്ടാക്കിയത്.
കാറിന്റെ പിറകില്‍ ഇടിച്ച ടിപ്പര്‍ ലോറി കാറിനെ കടയിലേക്ക് നിരക്കി കയറ്റി. റോഡരികില്‍ നിര്‍ത്തി ഡ്രൈവറായ എടപ്പറമ്പ് പ്രമോദ് ഇറങ്ങിയ ശേഷമാണ് ലോറി സ്വയം ഉരുണ്ട് നീങ്ങുയത്. ഇന്നലെ വൈകിട്ട് നാലരയോടെയായിരുന്നു സംഭവം. കോഴിക്കുളം മുരളീധരന്റെ സ്റ്റേഷനറി കടയും, കുട്ടികൃഷ്ണന്റെ കടയുമാണ് തകര്‍ന്നത്. അടക്കപുത്തൂര്‍ സ്‌കൂള്‍ അധ്യാപകനായ തിരുവഴിയോട് മലപ്പുറം വീട്ടില്‍ പ്രമോദിന്റെ കാറും പൂര്‍ണമായി തകര്‍ന്നു.