അരീക്കോട്: പറവകള്‍ക്കും മൃഗങ്ങള്‍ക്കും കുടിനീരൊരുക്കി മലപ്പുറം ജില്ലാ വിഖായ സമിതിയുടെ മാതൃകാപ്രവര്‍ത്തനം. വിഖായക്ക്  കീഴില്‍ 35 കേന്ദ്രങ്ങളിലാണ് പക്ഷിമൃഗാധികള്‍ക്ക് മലമുകളില്‍ കുടിനീരൊരുക്കിയത്. അരീക്കോട് ചൂളാട്ടിപാറ ചെക്കുന്ന് മലയുടെ താഴ്‌വാരത്ത് എസ്.കെ.എസ്.എസ്.എഫ് ജില്ലാ പ്രസിഡന്റണ്ട് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി ജില്ലാതല ഉദ്ഘാടനം നിര്‍വഹിച്ചു. മലമുകളില്‍ കുഴിവെട്ടി പ്ലാസ്റ്റിക്ക് ഷീറ്റ് വിരിച്ചാണ് വെള്ളം കെട്ടിനിര്‍ത്തുന്നത്. ജില്ലാ നേതാക്കന്മാരുടെ നേതൃത്വത്തില്‍ കുടത്തില്‍ വെള്ളം ചുമന്നാണ് മലമുകളിലെത്തിച്ചത്. സല്‍മാന്‍ ഫൈസി തിരൂര്‍ക്കാട് അധ്യക്ഷനായി.
ആദിവാസികള്‍ക്കുള്ള കുടവും സാമ്പത്തിക സഹായവും ഫഖ്‌റുദ്ദീന്‍ തങ്ങള്‍ കൈമാറി. അസ്‌കര്‍ ദാരിമി പ്രമേയപ്രഭാഷണം നടത്തി. അരീക്കോട്  മേഖല പ്രസിഡന്റണ്ട് ഹബീബ് തങ്ങള്‍ ഫൈസി, സലാം ഫൈസി, ഇല്യാസ് കൊഴക്കോട്ടൂര്‍, റഫീഖ് പുത്തലം, ലത്തീഫ് മാസ്റ്റര്‍ പവണ്ണ, മുനീര്‍, നിഖില്‍, മുഹമ്മദ് ദാരിമി, ലുഖ്മാന്‍ ഗഫൂര്‍ യമാനി സംസാരിച്ചു.