കോഴിക്കോട്: മെഡിക്കല്‍ കോളജ് പെയിന്‍ ആന്‍ഡ് പാലിയേറ്റീവ് കെയര്‍ സൊസൈറ്റി 25ാം വര്‍ഷത്തിലേക്ക്. സംഘടനയുടെ ധനശേഖരണാര്‍ഥം ലയണ്‍സ് ക്ലബ് കാലിക്കറ്റ് ഈസ്റ്റും  മ്യൂസിഷ്യന്‍സ് വെല്‍ഫെയര്‍ അസോസിയേഷനുമായി ചേര്‍ന്ന് ഇന്ന്  വൈകിട്ട് 6.30ന് ടാഗോര്‍ ഹാളില്‍ സംഗീത സന്ധ്യ സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 'അത്രമേല്‍ ആര്‍ദ്രമായി' എന്ന പേരിലാണ് സംഗീതസന്ധ്യ സംഘടിപ്പിക്കുന്നത്. വാര്‍ത്താസമ്മേളനത്തില്‍ ഡോ. സുധ എസ്, ഡോ. കെ.എന്‍. വേണുഗോപാല്‍, ജോസ് പുളിമൂട്ടില്‍, ഷിജി ദിലീപ്, അനില്‍കുമാര്‍, ശ്രീകുമാര്‍  പങ്കെടുത്തു.