റാഞ്ചി: സ്വന്തം നാട്ടില്‍ കളി നടക്കുമ്പോള്‍ എങ്ങനെ താരങ്ങളെ വീട്ടിലേക്ക് ക്ഷണിക്കാതിരിക്കും. മൂന്നാം ഏകദിനത്തിനായി റാഞ്ചിയിലെത്തിയ ഇന്ത്യന്‍ ടീമിനെ വീട്ടില്‍ വിളിച്ച് വരുത്തി സല്‍ക്കരിച്ചാണ് ധോണി ആതിഥ്യ മര്യാദ കാണിച്ചത്. സല്‍ക്കാരത്തിനെത്തിയ കാര്യം കോഹ്‌ലി അടക്കമുള്ള താരങ്ങള്‍ ട്വിറ്ററില്‍ പങ്കുവച്ചു. ഇതിന് മുമ്പും റാഞ്ചിയില്‍ മത്സരത്തിനായി എത്തിയിരുന്ന ഇന്ത്യന്‍ ടീമിനെ ധോണി സല്‍ക്കരിച്ചിരുന്നു. ഇത് പോലെ നാളെ ഗ്രൗണ്ടിലും കാണാമെന്നും പലരും കോഹ്‌ലിയുടെ പോസ്റ്റിന് താഴെ കമന്റ് ചെയ്യുകയും ചെയ്തു.