മുക്കം: കൊടിയത്തൂര്‍ കൃഷി ഭവന്റെ സഹകരണത്തോടെ കൊടിയത്തൂര്‍ സഹകരണ ബാങ്കും കാര്‍ഷിക സംഘടനകളും  കര്‍ഷകരും ചേര്‍ന്ന് നെല്‍കൃഷിയിറക്കിയ ചെറുവാടി പുഞ്ചപ്പാടത്ത് ഉത്സവാന്തരീക്ഷത്തില്‍  വിളവെടുപ്പ് നടത്തി.
വെള്ളം കെട്ടിക്കിടന്നതു മൂലം വര്‍ഷങ്ങളോളം കൃഷിയിറക്കാന്‍ കഴിയാതിരുന്ന പുഞ്ചപ്പാടത്ത് കല്ലന്‍തോട് നീര്‍ത്തട വികസന പദ്ധതിയില്‍ ഉള്‍പ്പെടുത്തി 80 ലക്ഷത്തോളം രൂപ ചിലവഴിച്ച് നവീകരിച്ചാണ് കൃഷി യോഗ്യമാക്കിയത്.
വിളവെടുപ്പ് ഉത്സവം ജോര്‍ജ് എം തോമസ് എം.എല്‍.എ ഉദ്ഘാടനം ചെയ്തു. കൊടിയത്തൂര്‍ പഞ്ചായത്ത് പ്രസിഡന്റ് സി.ടി.സി അബ്ദുള്ള അധ്യക്ഷനായി. കൃഷി ഓഫിസര്‍ എം.എം സബീന, പഞ്ചായത്ത് സ്ഥിരം സമിതി അധ്യക്ഷന്‍ കെ.പി ചന്ദ്രന്‍, പഞ്ചായത്തംഗം ചേറ്റൂര്‍ മുഹമ്മദ്, സുബ്രഹ്മണ്യന്‍, അബ്ദീല്‍ സത്താര്‍, നാരായണന്‍ നായര്‍, മമ്മദ് കുട്ടി കുറുവാടങ്ങല്‍, എ സി മൊയ്തീന്‍, അബ്ദു കണ്ടങ്ങല്‍ സംസാരിച്ചു