തിരുവനന്തപുരം: ബിരുദ യോഗ്യതയുള്ള പരീക്ഷകള്‍ക്കും മലയാളത്തില്‍ ചോദ്യങ്ങള്‍ നല്‍കാന്‍ പി.എസ്.സി ഒരുങ്ങുന്നു. തമിഴ്, കന്നട ഭാഷകളിലും ചോദ്യങ്ങള്‍ ലഭ്യമാക്കും.

 നിലവില്‍ ഹയര്‍ സെക്കന്‍ഡറി വരെ യോഗ്യതയുള്ള പരീക്ഷകള്‍ക്കാണ് മലയാളത്തില്‍ ചോദ്യങ്ങള്‍ നല്‍കുന്നത്. ഇതിനു പുറമെ ഒരേ യോഗ്യതയുള്ള തസ്തികകള്‍ക്ക് പ്രാഥമിക പരീക്ഷ ഒരുമിച്ച് നടത്താനും രണ്ടാം ഘട്ടത്തില്‍ തസ്തികയ്ക്ക് അനുസൃതമായി പരീക്ഷ നടത്താനും തീരുമാനമായി. ഇതുവഴി പരീക്ഷകളുടെ ചെലവു കുറയ്ക്കാമെന്നും ഓരോ തസ്തികയ്ക്കും അനുയോജ്യരായ ഉദ്യോഗാര്‍ഥികളെ ഉള്‍പ്പെടുത്തി റാങ്ക് പട്ടിക തയാറാക്കാന്‍ കഴിയുമെന്നും പി.എസ്.സി വിലയിരുത്തി.