പെരുവ: സ്വകാര്യ വ്യക്തി അനധികൃതമായി പാടം മണ്ണടിച്ചു നികത്തുന്നതായി പരാതി. പരാതിയെത്തുടര്‍ന്ന് മുളക്കുളം വില്ലേജ് ഓഫിസര്‍ സ്റ്റോപ്പ് മെമ്മോ നല്‍കി. മുളക്കുളം ഇടയാറ്റ് പാടശേഖരത്തിലാണ് മുളക്കുളം മുഴിത്തുരുത്തേല്‍ ജേക്കബിന്റെ ഉടമസ്ഥതയിലുള്ള പാടത്തേക്ക് മണ്ണടിച്ചത്. കഴിഞ്ഞ രണ്ടാഴ്ച മുമ്പ് പാടത്തേക്ക് മണ്ണടിച്ചപ്പോള്‍ നാട്ടുകാര്‍ എതിര്‍ത്തിരുന്നു.
എന്നാല്‍ സമീപത്തെ പള്ളിയുടെ കെട്ടിടം പൊളിച്ചതിന്റെ അവശിഷ്ടങ്ങളാണെന്നു പറയുകയും ഇനി മണ്ണടിക്കുകയില്ലയെന്നു പറഞ്ഞിരുന്നതാണ്. എന്നാല്‍ വീണ്ടും പാടത്തേക്ക് മണ്ണടിക്കുകയായിരുന്നു. പാടശേഖരത്തിന് സമീപം ചിറയില്‍ വാഴവെച്ചിരിക്കുകയാണ് ഇത് മറയാക്കിയാണ് പാടത്തേക്ക് മണ്ണടിക്കുന്നത്. മുളക്കുളം പഞ്ചായത്തില്‍ വിവിധ പ്രദേശങ്ങളില്‍ അനധികൃത മണ്ണെടുപ്പും, പാടം നികത്തലും വ്യാപകമായി നടക്കുന്നുണ്ട്. മഴക്കലമായതോടെ മണ്ണെടുപ്പ് നിര്‍ത്തിവച്ചിരിക്കുകയായിരുന്നു. നാട്ടുകാരുടെ പരാതിയെത്തുടര്‍ന്ന് മുളക്കുളം വില്ലേജ് ഓഫിസ് ജീവനക്കാര്‍ സ്ഥലത്തെത്തി മണ്ണടി നിര്‍ത്തിവെയ്ക്കാന്‍ നോട്ടീസ് നല്‍കി.