ധാക്ക: ബംഗ്ലാദേശിനെയും ലോകത്തെയും ആശങ്കയിലാക്കി റോഹിംഗ്യന്‍ അഭയാര്‍ഥി ക്യാംപില്‍ കൊവിഡ് സ്ഥിരീകരിച്ചു. ബംഗ്ലാദേശിലെ ക്യാംപിലെ ഒരു അഭയാര്‍ഥിക്കും സമീപപ്രദേശത്തെ വേറൊരാള്‍ക്കും കൊവിഡ് സ്ഥിരീകരിച്ചതായി ബംഗ്ലാദേശ് അധികൃതരും ഐക്യരാഷ്ട്രസഭയും അറിയിച്ചു.

റോഹിംഗ്യന്‍ അഭയാര്‍ഥി ക്യാംപില്‍ ആദ്യമായാണ് കൊവിഡ് സ്ഥിരീകരിക്കുന്നത്. പത്തു ലക്ഷത്തിലേറെ റോഹിംഗ്യന്‍ അഭയാര്‍ഥികള്‍ തിങ്ങിപ്പാര്‍ക്കുന്ന ക്യാംപിലാണ് കൊവിഡ് സ്ഥിരീകരിച്ചിരിക്കുന്നത്. ഇത് വലിയ ആശങ്കയോടെയാണ് യു.എന്‍ നോക്കിക്കാണുന്നത്. രോഗം സ്ഥിരീകരിച്ചവര്‍ നിലവില്‍ ചികിത്സയിലാണ്. രോഗവ്യാപനം തടയാന്‍ ശ്രമങ്ങള്‍ നടക്കുകയാണ്.