ന്യൂഡല്‍ഹി: ബാലാകോട്ടില്‍ എത്തി ഭീകരരെ വധിക്കുകയെന്നതാണ് വ്യോമസേനയുടെ ദൗത്യമെന്നും അവിടെ മരിച്ചവരുടെ മൃതദേഹങ്ങള്‍ തിരികെ കൊണ്ടുവരലല്ലെന്നും വിദേശകാര്യ മന്ത്രി സുഷമ സ്വരാജ്. പാക് പ്രവിശ്യയായ ബാലാകോട്ടില്‍ കടന്ന് ഭീകരരുടെ താവളത്തിനുനേരെ വ്യോമസേന നടത്തിയ മിന്നലാക്രമണത്തിന്റെ തെളിവുകള്‍ സംബന്ധിച്ച് വിവാദങ്ങള്‍ ഉയര്‍ന്ന സാഹചര്യത്തിലാണ് സുഷമ സ്വരാജിന്റെ പ്രതികരണം. വ്യോമസേന ദൗത്യം നടപ്പാക്കി തിരിച്ച് രാജ്യത്തെത്തുകയും ചെയ്തു. എത്ര ഭീകരര്‍ കൊല്ലപ്പെട്ടുവെന്ന് നോക്കേണ്ട ഉത്തരവാദിത്തം വ്യോമസേനയുടെതല്ലെന്നും മന്ത്രി കൂട്ടിച്ചേര്‍ത്തു. .