കുറ്റ്യാടി: വടകര വിദ്യാഭ്യാസ ജില്ലയിലെ പരിസ്ഥിതി കൂട്ടായ്മയായ 'സേവും' ഓയ്‌സ്‌ക കുറ്റ്യാടി ചാപ്റ്ററും സംയുക്തമായി സംഘടിപ്പിച്ച മഴയറിവിന്റെ ചുരം യാത്ര വയനാട് വാളാംതോട്ടില്‍ മന്ത്രി ടി.പി രാമകൃഷണ്ന്‍ ഉദ്ഘാടനം ചെയ്തു.
ഇ.കെ വിജയന്‍ എം.എല്‍.എ അധ്യക്ഷനായി. ചാത്തന്‍കോട്ട് നടയില്‍ സമാപിച്ചു. വടകര ഡി.ഇ.ഒ ഇ.കെ സുരേഷ് കുമാര്‍ ഹരിതസന്ദേശം നല്‍കി. വടേക്കണ്ടി നാരായണന്‍, കെ.സജിത്ത്, അന്നമ്മ ജോര്‍ജ്, പി.പി ചന്ദ്രന്‍, അബ്ദുല്ല സല്‍മാന്‍, എ.കെ ദിനേശന്‍, ഒ.ടി ഷാജി, പി.പി ദിനേശന്‍ പ്രസംഗിച്ചു.
സമാപന സമ്മേളനത്തില്‍ ഫാദര്‍ ജോര്‍ജ് തീണ്ടപ്പാറ അധ്യക്ഷനായി.
കഴിഞ്ഞ വര്‍ഷത്തെ മഴയാത്രയിലെ വിജയികള്‍ക്കുള്ള മൊമന്റോ വിതരണം ചെയ്തു. ഈ വര്‍ഷത്തെ വിജയികളെ പ്രഖ്യാപിച്ചു. ഫാദര്‍ അഗസ്റ്റിന്‍ പുന്നശ്ശേരി, ചന്ദ്രന്‍ മുളവട്ടം, ടി.ടി മൂസ, സബീലുറഹ്മാന്‍ പ്രസംഗിച്ചു.