കൊച്ചി:എസ്.ഡി.പി.ഐ എറണാകുളം ജില്ലാകമ്മിറ്റി ഏര്‍പ്പെടുത്തിയ പ്രഥമ അംബേദ്കര്‍ പുരസ്‌കാരത്തിന് ചലച്ചിത്ര നടന്‍ വിനായകന്‍ അര്‍ഹനായി. ഏറ്റവും മികച്ച നടനുള്ള സംസ്ഥാന അവാര്‍ഡ് നേടിയിട്ടും സ്വന്തം ജനതയുടെ സ്വത്വത്തെക്കുറിച്ച് സംസാരിക്കാന്‍ ആര്‍ജ്ജവം കാണിച്ചതിനാണ് പുരസ്‌കാരം.നാളെ വൈകിട്ട് നാലിന് നോര്‍ത്ത് പറവൂര്‍ പി.വി.എസ് ഹാളില്‍ നടക്കുന്ന ചടങ്ങില്‍ എസ്.ഡി.പി.ഐ സംസ്ഥാന ജനറല്‍ സെക്രട്ടറി എം.കെ മനോജ്കുമാര്‍ പുരസ്‌കാരം സമ്മാനിക്കും.'ഫാസിസ്റ്റ് കാലഘട്ടത്തില്‍ അംബേദ്കറുടെ പ്രസക്തി' എന്ന വിഷയത്തില്‍ സെമിനാറും നടക്കും.പ്രഭാകരന്‍ വരപ്രത്ത്,സി.എസ്.മുരളി,പി.പി.മൊയ്തീന്‍ കുഞ്ഞ്,അജിതാ ഘോഷ് തുടങ്ങിയവര്‍ സെമിനാറില്‍ പങ്കെടുക്കും. വാര്‍ത്താസമ്മേളനത്തില്‍ എസ്.ഡി.പി.ഐ ജില്ലാ പ്രസിഡന്റ് പി.പി മൊയ്തീന്‍ കുഞ്ഞ്,ജനറല്‍ സെക്രട്ടറി ഫൈസല്‍ താന്നിപ്പാടം,സുല്‍ഫിക്കര്‍ അലി,അബ്ദുല്‍ റഹ്മാന്‍ ചേലക്കുളം എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.