പെരിന്തല്‍മണ്ണ: കേരളാ ടൂറിസം പ്രൊമോട്ടേഴ്‌സ് അസോസിയേഷന്‍ സംസ്ഥാന സമ്മേളനം പെരിന്തല്‍മണ്ണ വ്യാപാര ഭവന്‍ ഓഡിറ്റോറിയത്തില്‍ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു. പ്രസിഡന്റ് കെ.എം അച്യുതന്‍ അധ്യക്ഷനായി.
ജില്ലാ പ്രസിഡന്റ് സി.വി ലക്ഷ്മണന്‍, വി. ശിവാനന്ദന്‍ സംസാരിച്ചു. ജില്ലാ കുടുംബസംഗമം മഞ്ഞളാംകുഴി അലി എം.എല്‍.എ ഉദ്ഘാടനം ചെയ്തു. എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയ പ്രോമോട്ടര്‍മാരുടെ മക്കള്‍ക്കു പെരിന്തല്‍മണ്ണ നഗരസഭാ ചെയര്‍മാന്‍ എം. മുഹമ്മദ് സലീം ഉപഹാരം നല്‍കി.
സ്വാമി അയ്യപ്പദാസ് മുഖ്യപ്രഭാഷണം നടത്തി. വി. ബാബുരാജ്, അഡ്വ. എം.കെ സുനില്‍, സി.സി ദിനേശ്, ചമയം ബാപ്പു സംസാരിച്ചു.
പുതിയ ഭാരവാഹികളായി കെ.എം അച്യുതന്‍ (പ്രസി), എഫ്. തങ്കപ്പന്‍ നായര്‍, പി.എം ശ്രീധരന്‍ (വൈ. പ്രസി), വി. ശിവാനന്ദന്‍ (ജന. സെക്ര), എം.കെ ബാബു, ആര്‍.എസ് മനു നായര്‍, എം. മുരളീധരന്‍ (ജോ. സെക്ര), എഫ്. അലക്‌സാണ്ടര്‍ (ട്രഷ) എന്നിവരെ തെരഞ്ഞെടുത്തു.