തിരുവനന്തപുരം: സംസ്ഥാനത്ത് ക്വാറന്റൈനില്‍ കഴിയേണ്ടിവരുന്ന കൊവിഡ് രോഗലക്ഷണമില്ലാത്തവര്‍ക്ക് പണം നല്‍കി ഹോട്ടലുകളിലെ ക്വാറന്റൈന്‍ സൗകര്യം പ്രയോജനപ്പെടുത്തുന്നതിനുള്ള പട്ടിക തയാറായി.
സംസ്ഥാനത്തെ 169 ഹോട്ടലുകളില്‍ നിന്നുള്ള 4,617 മുറികളാണ് പെയ്ഡ് ക്വാറന്റൈനായി സജ്ജമാക്കിയിട്ടുള്ളത്.

തിരുവനന്തപുരം 10, കൊല്ലം 10, പത്തനംതിട്ട ഒന്‍പത്, ആലപ്പുഴ 10, കോട്ടയം ഒന്‍പത്, ഇടുക്കി 13, എറണാകുളം 25, തൃശൂര്‍ ഒന്‍പത്, പാലക്കാട് 19, മലപ്പുറം 12, കോഴിക്കോട് 10, കണ്ണൂര്‍ 13, കാസര്‍കോട് 10 എന്നിങ്ങനെയാണ് ഹോട്ടലുകളുടെ എണ്ണം. അതത് ജില്ലയില്‍ ഇഷ്ടപ്പെട്ട ഹോട്ടലുകള്‍ തെരഞ്ഞെടുക്കാം. ഇതു സംബന്ധിച്ച മാര്‍ഗനിര്‍ദേശങ്ങളും വിശദാംശങ്ങളും നോര്‍ക്ക റൂട്ട്‌സ് വെബ് സൈറ്റില്‍ ലഭ്യമാണ്.