പെരുമ്പാവൂര്‍: ഓള്‍ ഇന്ത്യ നാഷണല്‍ അവാര്‍ഡീ ടീച്ചേഴ്‌സ് ഫോറത്തിന്റെ കുഞ്ഞുണ്ണി ഭാഷാഭിമാന പുരസ്‌ക്കാരം ലഭിച്ച ഇ.വി നാരായണന് വായനാവാരത്തിന്റെ ഭാഗമായി വെങ്ങോല മൈത്രി റെസിഡന്റ്‌സ് അസോസിയേഷന്‍ സ്വീകരണം നല്‍കി. മില്‍മ പ്രസിഡന്റ് എം കുര്യന്‍ പൊന്നാടയണിയിച്ചു.
പ്രൊഫ. പ്രസന്ന മോഹന്‍, കവിത ഗോപിനാഥ്, സി.കെ. രാമകൃഷ്ണന്‍, പി.എസ്. സുരേന്ദ്രന്‍, വനജ സജി, പി.എ. ഷഫീഖ് എന്നിവര്‍ സംസാരിച്ചു. ഉന്നത വിജയം നേടിയ വിദ്യാര്‍ഥികള്‍ക്ക് പ്രതിഭ പുരസ്‌ക്കാര വിതരണവും നടന്നു. മില്‍മ ഹാളില്‍ നടന്ന ചടങ്ങില്‍ എം.എ. അസൈനാര്‍ അധ്യക്ഷത വഹിച്ചു. പട്ടിമറ്റം ജവഹര്‍ ലൈബ്രറി, ഒക്കല്‍ ഐശ്വര്യ റസിഡന്റ്‌സ് അസോസിയേഷന്‍, വേങ്ങൂര്‍ യുവജന വായനശാല എന്നിവിടങ്ങളില്‍ നടന്ന അനുമോദന ചടങ്ങില്‍ സിപ്പി പള്ളിപ്പുറം, ഗ്രാമപഞ്ചായത്ത് മെംമ്പര്‍ സിന്ധു ശശി, എഴുത്തുകാരന്‍ വര്‍ക്കി പട്ടിമറ്റം എന്നിവര്‍ പങ്കെടുത്തു.