റിയാദ് അന്താരാഷ്ട്ര പുസ്തക മേളയില്‍ നാലുകെട്ട് വിവര്‍ത്തനവും

backup

March 12 2019 | 18:03 PM

%e0%b4%b1%e0%b4%bf%e0%b4%af%e0%b4%be%e0%b4%a6%e0%b5%8d-%e0%b4%85%e0%b4%a8%e0%b5%8d%e0%b4%a4%e0%b4%be%e0%b4%b0%e0%b4%be%e0%b4%b7%e0%b5%8d%e0%b4%9f%e0%b5%8d%e0%b4%b0-%e0%b4%aa%e0%b5%81%e0%b4%b8%e0%b5%8d

റിയാദ്: റിയാദ് അന്താരാഷ്ട്ര പുസ്തകമേളയ്ക്കും സാംസ്‌കാരിക മഹോത്സവത്തിനും റിയാദ് ഇന്റര്‍നാഷനല്‍ കോണ്‍ഫറന്‍സ് ആന്‍ഡ് എക്‌സിബിഷന്‍ സെന്ററില്‍ ഇന്ന് തുടക്കമാകും. സഊദിയിലെ മുന്‍നിര പ്രസാധകരായ മദാരിക് പ്രിന്റിങ് ആന്‍ഡ് പബ്ലിഷിങ് കമ്പനി പ്രസിദ്ധീകരിക്കുന്ന എം. ടി വാസുദേവന്‍ നായരുടെ വിഖ്യാത നോവലായ നാലുകെട്ടിന്റെ വിവര്‍ത്തനം പുസ്തകമേളയില്‍ പ്രകാശനം ചെയ്യും. മലയാളത്തിന്റെ എക്കാലത്തെയും പ്രിയപ്പെട്ട എഴുത്തുകാരനായ എം.ടി യുടെ ആത്മ കഥാംശം തുളുമ്പുന്ന കൃതിയാണ് നാലുകെട്ട്. ഇംഗ്ലീഷ് ഉള്‍പ്പെടെ പതിനാല് ലോക ഭാഷകളിലേക്ക് വിവര്‍ത്തനം ചെയ്യപ്പെട്ട നാലുകെട്ടിന്റെ അറബി വിവര്‍ത്തനം തയാറാക്കിയത് മുസ്തഫ വാഫി കാട്ടുമുണ്ടയും അനസ് വാഫി കാളികാവും സംയുക്തമായാണ്. തകഴിയുടെ ചെമ്മീനും ബെന്യാമിന്റെ ആടുജീവിതത്തിനും ശേഷം മൂല കൃതിയില്‍ നിന്ന് നേരിട്ട് അറബിയിലേക്ക് മൊഴിമാറ്റം ചെയ്യപ്പെടുന്ന പ്രമുഖ മലയാള നോവലാണ് നാലുകെട്ട്. വിവിധ രാജ്യങ്ങളെയും ഭാഷകളെയും സംസ്‌കാരങ്ങളെയും പ്രതിനിധീകരിക്കുന്ന വ്യത്യസ്ത കലാ സാംസ്‌കാരിക പരിപാടികളും റിയാദ് പുസ്തക മേളയുടെ ഭാഗമായി ഒരുക്കിയിട്ടുണ്ട്. മേള 23ന് സമാപിക്കും.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."