അരൂക്കുറ്റി: വടുതല കോട്ടൂര്‍ കാട്ടുപുറം പള്ളി ജമാഅത്തിന്റെ ആഭിമുഖ്യത്തില്‍ പരിശുദ്ധ ഹജ്ജ് കര്‍മത്തിന് പുറപ്പെടുന്ന ഹാജിമാര്‍ക്ക് യാത്രയയപ്പ് നല്‍കുന്നു.ഹജ്ജ് പഠന ക്ലാസ്, എസ് എസ് എല്‍ സി, പ്ലസ് ടു പരീക്ഷകളിലും മദ്‌റസ പൊതുപരീക്ഷയിലും ഉന്നത വിജയം നേടിയ മഹല്ലിലെ വിദ്യാര്‍ഥികള്‍ക്കുള്ള അവാര്‍ഡ് ദാനവും ഇതോടൊപ്പം നടക്കും.
28ന് ഉച്ചക്ക് ശേഷം രണ്ടിന് വടുതല അബ്‌റാര്‍ ഓഡിറ്റോറിയത്തില്‍ നടക്കുന്ന ഹജ്ജ് പഠന ക്ലാസിന് ഹാജി എം എം അബൂബക്കര്‍ഫൈസി കങ്ങരപ്പടിയും ആരോഗ്യബോധവത്കരണത്തിന് ഡോ അബ്ബാസ് ഹാജിയും നേതൃത്വം നല്‍കും.വൈകുന്നേരം നാലിന് നടക്കുന്ന ഹജ്ജ് യാത്രയയപ്പ്, അവാര്‍ഡ് ദാന സമ്മേളനം വടുതല വി എം മൂസാ മൗലവി ഉദ്ഘാടനം ചെയ്യും. ജമാഅത്ത് പ്രസിഡന്റ് പി എ മൂസല്‍ഫൈസി ചടങ്ങില്‍ അധ്യക്ഷത വഹിക്കും.മഹല്‍ ഖാസി സയ്യിദ് പി എം എസ് തങ്ങള്‍ ശാഥ്വിരി വടുതല മുഖ്യപ്രഭാഷണം നടത്തും.ഹാജി കെ എം കുഞ്ഞുമുഹമ്മദ് മൗലവി പ്രാര്‍ഥനക്ക് നേതൃത്വം നല്‍കും.
ജമാഅത്ത് കൗണ്‍സില്‍ ചേര്‍ത്തല താലൂക്ക് പ്രസിഡന്റ് പി പി മക്കാര്‍ഹാജി മദ്‌റസാ അവാര്‍ഡ്ദാനവും ജമാഅത്ത് എച്ച് എസ് എസ് മാനേജര്‍ കെ എ പരീത് എസ് എസ് എല്‍ സി, പ്ലസ് ടു അവാര്‍ഡ് ദാനവും നിര്‍വഹിക്കും.ഇ കെ കൊച്ചുണ്ണിക്കുഞ്ഞ്, സി എം എ ഖാദര്‍ ഹാജി, പി എ ഷംസുദ്ദീന്‍, എം കബീര്‍കുട്ടി, ഇസ്മാഈല്‍ ഹാജി, അബ്ദുല്ലത്തീഫ് സഖാഫി, എന്‍ പി അബ്ദുന്നാസര്‍മൗലവി പാണാവള്ളി, പി എസ് മുഹമ്മദ് മാസ്റ്റര്‍, പി എ അന്‍സാരി സംസാരിക്കും.ജമാഅത്ത് സെക്രട്ടറി ടി എസ് നാസിമുദ്ദീന്‍ സ്വാഗതവും ഖജാഞ്ചി സി എം അബ്ദുന്നാസര്‍ നന്ദിയും പറയും.